სიბერე და დემენცია
დემენცია არ არის მხოლოდ მეხსიერების პრობლემა. ის ასევე ეხება მეტყველებას, აზროვნებას, აღქმას და ქცევას.
დემენცია არის სამედიცინო მდგომარეობა (სიმპტომთა ჯგუფი), რომელიც დაკავშირებულია ტვინის ფუნქციონირების მზარდ დაქვეითებასთან. დემენციის მრავალი განსხვავებული მიზეზი და ტიპი არსებობს. ალცჰაიმერის ტიპის დემენცია არის ყველაზე გავრცელებული დემენციის ფორმა ასაკოვან ადამიანებში.
მიუხედავად იმისა, რომ ამ ეტაპზე დემენციის განკურნების საშუალება არ არსებობს, ადრეული დიაგნოზი ზოგიერთ შემთხვევაში მისი პროგრესირების შენელებას ნიშნავს, ამიტომ ადამიანმა შეიძლება უფრო დიდხანს შეინარჩუნოს კოგნიტური და ფსიქიკური ფუნქცია.
სწორი და დროული დიაგნოზი დემენციის მქონე ადამიანებს ეხმარება შესაბამისი მკურნალობისა და მხარდაჭერის მიღებაში. მას ასევე შეუძლია დაეხმაროს დემენციის დიაგნოზის მქონე პირს და მის ახლობლებს მომავლის დაგეგმარებაში.
კიდევ ერთი ნაბიჯი ღირსეული სიბერისკენ
ნორმალურია, რომ თქვენს მეხსიერებაზე გავლენას ახდენს სტრესი, დაღლილობა, გარკვეული დაავადებები და მედიკამენტები.
ასაკის მატებასთან ერთად, ცვლილებები ხდება სხეულის ყველა ნაწილში, მათ შორის ტვინში. შედეგად, ზოგიერთი ადამიანი ამჩნევს, რომ მისი მეხსიერება გაუარესებულია, მას უჭირს ახლის დამახსოვრება და მიმდინარე მოვლენების გახსენება.
ეს, როგორც წესი, მსუბუქი დავიწყების ნიშნებია და არა მეხსიერების სერიოზული პრობლემა.
მაგრამ, თუ სულ უფრო და უფრო მეტად გავიწყდებათ, განსაკუთრებით თუ 65 წელს გადაცილებული ხართ, და ეს ყოველდღიურ ცხოვრებას ხელს მნიშვნელოვნად უშლის ან თქვენ თავად ძალზე შეწუხებული ხართ ამით – უპრიანია მიმართოთ სამედიცინო ქსელს.
ძირითადი ამოცანები
საერთაშორისო გამოცდილების ექსპერტული შეფასება
ეროვნული პროგრამის კონცეპტუალური ჩარჩოს შემუშავება
საზოგადოებაში ცნობიერების ამაღლება
ექიმების კვალიფიკაციის ამაღლება
ხშირად დასმული კითხვები
აქ შეგიძლიათ იპოვოთ პასუხები ყველაზე გავრცელებულ კითხვებზე დემენციის, მისი ნიშნების, დიაგნოსტიკისა და მოვლის შესახებ. თუ თქვენი კითხვა სიაში ვერ იპოვეთ, მოგვწერეთ – ჩვენი გუნდი მზადაა დაგეხმაროთ.
გაეცანით სიახლეებს
